8

සයිබර් සිහිණ උළෙලට එන හැමටම........ මෙන්න සියළු තොරතුරු......



සයිබරයේ සිහින උළෙලට තව දින තුනයි..... එදා මෙදාතුර මුහුණට මුහුණ මුණ  නොගැසුන යාළු මිත්‍රයෝ රාශියක් එකතු වෙනවා එදාට... මේ වෙද්දිත් සයිබර් අවකාශය හරහා ඒ සඳහා අති විශාල ප්‍රමාණයක් පැමිණීම ස්ථිර කරලා තියෙනවා.... දැනටමත් අපේ දත්ත ගබඩාවෙහි එන අය ලෙස 389 දෙනෙක් සටහන්.... ඒ නිසාම අපි මුලින් කිවූ පරිදිම අප්‍රේල් 1 දින මධ්‍යම රාත්‍රී 12ට සයිබර් අවකාශයේ පෝරමය ඉවත් කරන්නට කටයුතු කරනවා.. ඒ නිසාම දැනටත් පැමිනීම සටහන් නොකල යමෙක් වෙත්නම් හැකි ඉක්මනින් ගොස් ඔබේ පැමිනීම අපට දන්වන්න. එහෙනම් ආරම්භ කරමු.. මෙන්න සිහින උළෙලේ සියළු විස්තර.....

ඇතුළුවීම : 
          පැමිණීම අප වෙත දන්වපු හැම දෙනෙක් වෙතම ස්ථිර කිරීමේ විද්‍යුත් ලිපියක් අප විසින් යවා තිබෙනවා... එහි ඔබට පමණක් අනන්‍ය වූ රහස්‍ය අංකයක් ඇතුලත්.... තවමත් ඔබට එය ලැබී නැත්නම් හෝ මග හැරී නැත්නම් Inbox හා Spam පරීක්ෂා කරන්න... එසේ නොමැතිනම් 0718689555 අංකයෙන් නිශාන්ත මහතා අමතන්න... එම අංකය ඔබ විසින් එදින දොරටුවට ඉදිරිපත් නොකලහොත් සයිබර් අවකාශයේ සිහින උළෙලට ඇතුල්වීමට කිසිදු අවසරයක් නොලැබෙනු ඇති... අනවශ්‍ය පුද්ගලයින්ගේ පැමිණීම වැලැක්වීම සඳහා හා ඔබ අප කාගේත් ආරක්ශාව සඳහා ගත් මෙම ක්‍රියා මාර්ගයට ඔබගේ පූර්ණ සහයෝගය අපි අපේක්ශා කරනවා..... ඔබේ රහස්‍ය අංක ආරම්භා වී ඇත්තේ 1000 කියන අංකයෙන්... ඔබගේ ප්‍රවේශ පත්‍ර ලබා ගැනීම සඳහා 

   1000 සිට 1100 දක්වා...

   1101 සිට 1200 දක්වා...

   1201 සිට ඉදිරියට 

 වශයෙන් කවුන්ටර තුනක් එදිනට ඔබට දකින්නට තිබේවි... ඒ අනුව අදාල කවුන්ටරය වෙත ගොස්  ඔබගේ ප්‍රවේශ පත්‍රය රැගෙන සයිබරයේ සිහිනය උළෙලේ සුන්දරත්වය විදීමට සැරසෙන්න වේවි....

ප්‍රධාන ආරාධිතයින් :

 ශ්‍රී ලංකා පොලීසියේ කොළඹ දිසාවේ අපරාධ දෙපාර්තමේන්තුවේ අධ්‍යක්ෂ පොලිස් අධිකාරී ඩී.ආර්.එල්. රණවීරයන් සයිබරයේ සිහින උළෙලෙහි ප්‍රධාන ආරධිත අමුත්තා ලෙස සහභාගී වීමට නියමිතයි...

 මීට අමතරව ඔබ අප නිතරම සයිබර් අවකාශයේ දකින අපේම ජේ‍ය්ෂ්ඨයින් තිදෙනෙකුටත් මේ සඳහා අප ආරාධනා කලා..... පහත නම් කියවෙන්නේ අපේ ලොකු අයියලා තුන් දෙනාගේ...

ප්‍රවීණ ඡායාරූප ශිල්පී සහ බ්ලොග් රචකයෙක් වන ඉන්ද්‍රනාථ තේනුවරයන්,

ගුවන් තොටුපල හා ගුවන් සේවා සමාගමේ විද්‍යුත් ඉංජිනේරු හි. මු. ආරියවංශයන්,

ප්‍රවීන රූ රටා සැකසුම් නිර්මාණවේදී සහ ඡායාරූප ශිල්පී චින්තක අබේරත්නයන්.

ඉතින් මේ විද්වතුන්ගේ පැමිනීමත් ඔබ අප හැමට වැදගත් වේවි එදිනට....

තරඟ සහ න්‍යාය පත්‍රය :

  මේ පිළිබඳ සියළු විස්තර බලා ගැනීම සඳහා මෙතනින් යන්න...

ආහාර පාන සහ ජලය :

සහභාගී වන සැමට දිවා අහාරය ලබා දීමට සංවිධායක මණ්ඩලය කටයුතු කර ඇති අතර ඒ සමඟ මිලි ලීටර් 500ක් පානීය ජලය අඩංගු බෝතලයක්ද ඔබට ලැබෙනු ඇත. මීට අමතරව වන පානීය ජල අවශ්‍යතා සඳහා පිරිසිදු වතුර ටැංකියක්ද පිටියෙහි ස්ථාන ගත කිරීමට සංවිධායකයින් ක්‍රියා කර ඇත.  හවස් වරුව තුළ දී මනරම් කේක් සංග්‍රහයක්ද භුක්ති විදීමට ඔබට හැකිවනු ඇති.
අයකිරීම් :

සහභාගී වන හැමගෙන් රුපියල් 100.00 ක මුදලක් අය කරනු ලබන අතර එය සම්පූර්ණයෙන්ම බැර වනුයේ දිළුම් සුවපත් කිරීමේ සද්කාර්යයටයි.....

 මීට අමතරව දිළුම් සුවපත් කරගැනීමට ඔබටත් දායක වීම පිණිස ආධාර එකතු කිරීමේ පෙට්ටියක් උත්සව භූමියේ තබා ඇති අතර, ඒ සඳහා ආධාර කරණ සියළුම දෙනාට අරුනි ශෙපීරෝ සොයුරිය විසින් රචිත ග්‍රන්ථ නොමිලයේ ලැබෙනු ඇත...

 ඒ වගේම ප්‍රවීණ මනෝවිද්‍යා ලේඛක සුමනදාස සමරසිංහ ශූරීන්ගේ  මිනිස් සිතේ හාස්කම්, ඉලක්කය හඹායන චිත්ත බලය, නොවරදින එකම මඟ වැනි ජනප්‍රිය මනෝ විද්‍යාත්මක පොත් එදින මිලදී ගැනීමට පහසුකම් සලසා ඇත.

විනය :

උළෙල පැවැත්වෙන කාලය තුල මත්පැන් දුම්වැටි භාවිතය ඉතා දැඩිව තහනම් වන අතර, ඔබ විසින් කලහකාරී ලෙස හැසිරුනහොත් සිහින උළෙල පවත්වන පරිශ්‍රයෙන් ඔබ ඉවත් කිරීමට සිදු වන බව කණගාටුවෙන් වුවද දැනුම් දීමට සිදුව තිබේ... 

සංගීත සැඳෑව :

පස්වරු දෙකේ සිට පස්වරු හතර වනතුරු ඩීජේ සංගීතයත් සමඟ මුසුවීමට ඔබට පහසුකම් සලසා ඇති අතර විනෝද වීමට අවශ්‍ය සියළු පහසුකම් සලසා ඇත.

එහෙනම් හැමෝම එන්න.... එකතුවෙලා විනෝද වෙලා දිගු ගමනක් යන්නට මුල පුරමු......

ගමන් මාර්ගය 



8 comments:

priyantha said...

නොදන්නා අයට යන්න ගමන් මාර්ගය දක්වනවානම් හොඳයි නේද? මම කලින් පොස්ට් එකකත් දැක්කා අයෙක් එහෙම එකක් අහග තියෙනවා. ගූගල් මැප් එක හා යන්න පුළුවන් බස් වල විස්තර මේ පොස්ට් එකට එක්කරනවානම් හොඳයි කියා හිතනවා...

මාරයාගේ හෝරාව said...

"උළෙල පැවැත්වෙන කාලය තුල මත්පැන් දුම්වැටි භාවිතය ඉතා දැඩිව තහනම් වන අතර, ඔබ විසින් කලහකාරී ලෙස හැසිරුනහොත් සිහින උළෙල පවත්වන පරිශ්‍රයෙන් ඔබ ඉවත් කිරීමට සිදු වන බව කණගාටුවෙන් වුවද දැනුම් දීමට සිදුව තිබේ..."

ඇත්තටම එහෙමම කරනවාද බොලල්ලා...චික්..කුජීතයි...
ආ අබේ මාමේ පොඩ්ඩකට අර වචනෙත් ණයට දියං..
ගුජුප්සාජනකයි...
(රත්ගමයාගෙන් ඉකේයියා..)

අනිත් උන්ගෙන් එදාට අහගත්තෑකි...

අඩේ තව එකක්..මම ඔය ප්‍රණිත..රසවත් ඒවා මිසක් මනරම් කේක් සංග්‍රහයක් ලබලම නැහැ..මටනං බයෙත් බෑ ඒක භුක්ති වාඳින්න..:P

නදී... said...

මනරම් කේක් එදාට විතරයි! :ඩී

රත්ගමයා said...

මාරේ අයියා එන්නේ නෑලු......බොන්න නෑ කියලා

නිසල් said...

ඔන්න අපිත් එනවා එදාට..වැඩිය කට්ටියනම් දන්නෙ නැ..

අමින්ද ඉෂාර said...

මාත් එන්න තම බැලුවේ... හැබැයි දන්නා කියන මීට කලින් හම්බෙච්ච කවුරුත්ම හොයා ගන්න න නේ අප්පා....

හසී said...

අමින්ද ඔයා චාරුකගේ මල්ලිද?

Anonymous said...

මගේ නම නෑනේ අර ලෑයිස්තුවේ....

Post a Comment

Back to Top