33

සුන්දර සයිබරයේ සිහින සැණකෙලියට පිනෙන් පිරුණු අරමුණක්.......

දවස 2011 අප්‍රේල් තුන් වෙනිදා.... තිඹිරිගස්යායේ හෙන්රි පේද්‍රිස් ක්‍රීඩාංගනයට අපි කවුරුත් එකතු වෙන්නෙ විනෝද වෙන්න.... දැනටමත් එහි සියල්ල සූදානම්.... ඔබ වෙනුවෙන් වූ තරඟ, තෑගි, දිවා ආහාර, ඩීජේ සංගීතය ආදී මෙකී නොකී ගොඩාක් දේවල් සියල්ල ඔබ වෙනුවෙන් සූදානම් වෙමින් සිටින්නේ... එදාට එන්න... අපි විනෝද වෙමු ගොඩාක්....

ඒත් අපි විනෝද වෙද්දි අපේ එකෙක්... ඔව් අපේ එකෙක් තමයි.... අපි වගේම බ්ලොග් එකක් ලියාගෙන මූණු පොතෙන් හඳුනාගෙන තවත් එක් සුන්දර සයිබර් මිතුරෙක් වෙච්ච අපේ ඉලංදාරි කොල්ලා, දෛවය හරස් වෙච්ච ඔහුගේ ජීවිතය ජය ගන්න සටන් කරන්න පටන් අරන්... එහෙව් ඌ තනිකරලා අපිට විනෝද වෙන්න පුළුවන්ද? ඔබට පුළුවන්ද? අපි හිතන්නෙ බෑ.... මිනිස්කමේ සුවඳින් පිරිච්ච ශ්‍රී ලාංකික අපේ හදවත් ඉලංදාරියා අමතක කරලා විනෝද වෙන්න අපිට ඉඩ දෙන්නෙ නෑ කියලා අපි දන්නවා.....

ඉතින් මේ සයිබර් උළෙළ ඉලංදාරියා සනීප කරන ව්‍යාපෘතියක් බවට පත් කරන්න අපි තීරණය කලා... සයිබර් උළෙලට අවශ්‍ය සියළු වියදම් අපි දැනට හොයාගෙන අවසන්.... ඒ නිසා මේ අවස්ථාවෙන් එහාට ලැබෙන හැම සතයක්ම අපි ඔහු වෙනුවෙන් ලබා දෙන්න සූදානම්.... අද පටන් මේ සයිබරයේ සිහින උළෙල දැවැන්ත ව්‍යාපෘතියක්.... බ්ලොග් ලියන කියවන අපි ඔයාලගේ හිතේ හයියට අරුතක් එකතු කරන පින්වත් මංගල්‍යයක්.... අපේ ධෛර්යය සතුටු කඳුළු කරන්නට අපි එක් සිතින් පියවර තබමු...... වැඩේ වෙන්නෙ මෙහෙමයි....

පළවෙනි සහ මූලික පියවර ලෙස අපි දකින්නේ අපි විසින්ම ඔහු වෙනුවෙන් පෞද්ගලිකවම කරන්නට අදහස් කරන පරිත්‍යාග.... අප්‍රේල් තුන්වෙනිදාට හෙන්රි පේද්‍රිස් පිට්ටනියේ තිබෙන ආධාර පෙට්ටියට ඔබට කැමති ඕනෑම ගනනක් දාන්න පුළුවන්.... ඔබ ඒ වෙනුවෙන් ලබා දෙන රුපියලෙන් වුවත් ගොඩ නැගෙන ජීවිතය ඔබේ ඇසට සතුටු කඳුලු ගෙනේවි....

දෙවෙනි පියවර... ඔබ වැඩ කරන ආයතනය... එහෙම නැත්නම් ඔබේ හැඳුනුම්කම් තියෙන ආයතන ඔබ හඳුනන පින්වතුන්, දාන්පතීන් මේ සියල්ල මේ සුපින්වත් අරමුණ වෙනුවෙන් ගොනුකිරීමයි.... මේ සඳහා අවශ්‍ය ලියකියවිලි පහත දැක්වෙන දුරකථන වලින් ඔබට ගෙන්නා ගන්න හැකි වේවි.... සයිබර් උළෙල සඳහා දැනටමත් අපි රුපියල් 5000.00ක බැනර් අළෙවි කරන්න අපි තීරණ කරලා තියෙනවා.... අපිට හැකි තරම් බැනර් එකතු කරන්න අපි හිතාගමු....

තුන්වෙනි පියවර... ඉහත වැඩ සටහන් දෙකට අමතරව ඔබට දිය හැකි උපකාර තමයි මේ ගනයට වැටෙන්නේ.... ඒ උපකාරයන් පහත කමෙන්ට් හරහා වැටෙයි කියලා තමයි අපි හිතන් ඉන්නේ.....

එන්න එකතු වෙන්න... අපේ විනෝදය අර්ථවත් කරන්න... අද ඔහුට වුන දේ හෙට අපිට වෙන්න පුළුවන්... ඒ සැම දෙයක් වෙනුවෙන් වූ සයිබර් සහෝදරත්වය වෙනුවෙන් අත්වැල් බැද ගන්න දුවලා එන්න.... මේ බ්ලොග් පෝස්ට් එක නිමා කරන්නේ අපූරු පද පෙලකින්..... ඒක අපිට ලියලා එව්වේ රචින්ත ජයවර්ධන සොහොයුරා.... චිත්‍රෙ ඇන්දේ බුද්ධි ප්‍රසාද් සොහොයුරා..

තෙවැනි දිනට යෙදෙනා බක් මහේ සරූ
සයිබර් හිතවතුන් හා එක්වෙති මිතුරූ
බස් බ්ලොග් තුලින් පමණක් නොව එන කවුරූ
ට්විටර් වත්පොත් ද පිලිගමු සිතින් සරූ


බ්ලොග් ලුහුබැඳ කමෙන්ට් දමා කර  වාද
සංවාදෙන් කවුරුන් හෝ දිනුවාද?
මරු කොර එළ සිරා අදහස් වැටුනාද?
බ්ලොග් හිතවතුන් එදිනට හමුවෙමු නේද?


මූණුපොතේ සරි කවිකම් පාමින්නා
විඳීම් ලොවේ මිතුරන් එදිනට එන්නා
අන්තර්ජාලෙ සාජ්ජේ ට්‍රෙන්ඩ් කරමින්නා
ට්වීට් කරන්නොත් එදිනට සෙට්වෙන්නා


Buzz පවුලක්ය සිත් සරියට සරිවේයා
මරණේ, දිල්, තිසා අයියත් සිහිවූයා
Google සිටම උන් හට හෙළ වදන් වියා
Buzz සෙට් එකත් තුන්වෙනිදා එක්වේයා


කර්ම ඵල සමග මිනිසුන් හට කවර
නොයෙකුත් විපත් එයි මේ රුදු දිවි කතර
එදිනට විත් හැකි උපරිම දෙයක් කර
හිතවත් "ඉලං" හට සවියක් වෙමු මිතුර....


අපව අමතන්න...
     0714449162      අභීත
     0718689555      නිශාන්ත
     0773652592      අසංක



ඉලංදාරියා කොල්ලෝ..... අපි උඹව ගොඩ දානවා කොහොම හරි.....







ප.ලි. හෙට (2011.01.31) බ්ලොග්වල ඉලංදාරියාගේ දිනය බවට තීරණය කරමු.... බ්ලොග් ලියන අපි හැමෝම ඔහු වෙනුවෙන් හෙට අපේ බ්ලොග් වල පෝස්ට් එකක් දාමු....
15

උඹලට ආරංචිද මචං............

මචං..

ම්ම්ම්ම්ම..

අවුරුදු උත්සවයක් තියවලු නේද??
කොහෙද බං….

හෙන්රි ප්‍රේද්‍රිස් එකේ බං..

නොදකින් උඹ දන්නෙවත් නැද්ද…

හුටා… මං දැක්කා බං පොස්ට් එක.. ඒක සිරාවටද ඇ….

සිරාවට තමා බොල.. උඹ යනවද??

යමු නේ බං.. කන්නත් දෙනවලුනේ……..

කන්න නෙමේ බං.. ආතල් එකක් දාන්න පුලුවන්.. කෙල්ලොත් එනවලුද ?….

ඔවු බං බුකියෙ සෙට් බහිනවලු බං..

නෑ……. එහෙනුත් එනවලුද… මරුනේ බං…… යමු යමු….

එහෙනන් කොහේටද සෙට් වෙන්නේ…
කෙලින්ම එතනට බහිමු..
කීයටද..

අපි 9.30ට යමු බං…

එහෙනන් අප්‍රේල් 3 වැඩ දාගන්න එපා හරිද ? ..

අනිවා… මං එනවා..

එළස්.. සෙට් වෙමු වෙලාවක..

අනිවා..
බායි මචං…


නිර්මාණය - පසන් මධුරංග


සිහින අවුරුදු උළෙල ගැන ඔබේ නිර්මාණ අපට එවන්න..... ඔබේ සිතට දැනෙන දේ අපිට ලියන්න මෙන්න විද්‍යුත් ලිපිනය...
cybernewyearfestival2011@gmail.com
56

සිහින බක්මහ උළෙල 2011

ජීවිතේ අපිට උදා කර ගත නොහැකි යැයි සිතෙන සිතුවිලි සැබෑ වෙන්නෙ නොසිතූ වෙලාවක... බ්ලොග් ලියන කියවන, සින්ඩි පවත්වාගෙන යන, මූණුපොතේ ජීවත් වෙන, කොටින්ම කියනවනම් අන්තර් ජාලය ජීවිතේ කරගත්ත අපි, මූණට මූණ හම්බෙන්නයි යන්නේ....... ඇත්තටම ලංකාවේ අන්තර්ජාලය තුලින් හඳුනාගෙන මූනු පොතේ, ගූගල් බස් එකේ යහළුවෝ වෙච්ච, එකිනෙකාගෙ බ්ලොග් වල පාඨකයො වෙච්ච, අපේ සුන්දර සයිබර් ජීවිතයට ඊටත් එහා දෙයක් එකතු කරන්නයි අපි මේ වෑයම් කරන්නේ.......


අපේ හිතට නැගිච්ච සුන්දර හීනය සැබෑ කරගන්න අපි එකව නැගිටලා ඉන්නවා.... ඒ වගේම මේ අදහස කියපු ගමන් මේ බරෙන් අපිව නිදහස් කරන්නත් කට්ටියක් එක්වෙලා ඉන්නවා.... මේ කට්ටියත් කියන ගමන් ඔයාලගෙන් සහයෝගය අවශ්‍ය අයුරුත්, අපේ මේ සිහින උළෙලේ විස්තරත් කියන්න තමයි අපි මේ හදන්නෙ....


ඉස්සෙල්ලම කියමුකො මොකක්ද මේ වැඩේ කියලා.... මේක බක්මහ උළෙලක් සමගමීව යන මිතුරු හමුවක්.. සුහඳ හමුවක් කියන්නත් පුළුවන්...


 දිනය                            2011 අප්‍රේල් මාසේ (බක් මහේ) තුන් වෙනිදා...


වෙලාව                          උදේ 09.30 ඉදන් හවස 03.30 වෙනකන්...
                 
පැවැත්වෙන්නේ             තිඹිරිගස්යායේ හෙන්රි පේද්‍රිස් ක්‍රීඩාංගනයේ...


වැඩේ වෙන්නේ මෙහෙමයි.... උදේ 9.30 වෙද්දි එකතු වෙන අපි පොල්තෙල් පහනක් පත්තු කරලා, තම තමන්ගෙ ආගම් සිහි කරලා සිහිනය සැබෑ කර ගන්න ආරම්භ කරනවා.... සාමාන්‍ය බක් මහ උළෙලක පවතින ක්‍රීඩා කිහිපයක්ම පවත්වන්න තීරණයක් අරන් තියෙන්නෙ 2011 වසරේ ශ්‍රී ලංකාවේ සයිබර් අවකාශයේ වෙසෙන සිහින කුමරා වගේම සිහින කුමරියද තෝරා ගනිමින්... ඇත්තෙන්ම මේ මොහොත අපි ඔක්කොටම මතකයේ රැදෙන මොහොතක් වේවි.... ක්‍රීඩා අවසන් වෙලා පස්වරු දෙකට ආරම්භ වන ඩීජේ සංගීතයට තාලෙට පාද තියන්න අපි ඔක්කොම එකතු වෙමු....  ඒ වෙලාව අපි වෙන් කරලා තියෙන්නෙ උදේ වරුවෙ මූණ බලලා හිනාවෙලා, අහක බලා ගත්තු නොදන්න කට්ටිය අදුර ගන්න....  තමන්ව අදුන්වලා දුන්නාම.. "අයියෝ..මේ ඔයාද?" කියන විශ්මිත හඬ ඔබේ දෙසවන් පුරා රැව් දේවි.... 


මේ අදහස දාපු ගමන් අපිට සහයෝගය පලකලා සතර දෙසින්.. ඒ අය ගැනත් නොලිව්වොත් මේක ලොකු අඩුවක්... මෙන්න අපේ සිහිනය සැබෑ කරන්නට ශක්තිය දුන්න කට්ටිය... නිදහස් සිතුවිලි බ්ලොග් අඩවියේ හවුල්කරු රවි අයියා රුපියල් 25000.00ක්, ටිකක් හිනාවෙන්න බ්ලොග් එක ලියන අභියා 15000.00ක්, බ්ලොග් පාඨකයෙක් ලෙස අපට හිතවත් සුලෝචනා රුපියල් 5000.00ක්, හඳ ගී පොත ලියන තිස්ස අයියා 5000.00ක්, කට කහන කතා ලියන දුමියා 5000.00ක්, දුකාගෙ බ්ලොග් එක ලියන සුභාශ් 5000.00ක්, ඩුබයි වට්ටක්ක ලියන පුතා 5000.00ක්, කාලිංග'ස් බ්ලොග් ලියන කාලිංග ඇතුලත්මුදලි රුපියල් 5000.00ක්, ගූගල් බස් සංසදේ රුපියල් 5000.00ක්, හා පිස්සගේ පලාමල්ල ලියන පිස්ස රුපියල් 3000.00 කුත් අපිට සහයෝගෙට ලබාදීලා තියෙනවා... ඒ හැමටම අපේ හඳපිරි ස්තූතිය මේ වෙලාවෙ අපි පිරිනමනවා... මෙය කියවන ඔබටද ආයතනික වශයෙන් හෝ පුද්ගලික වශයෙන් ලබාදිය හැකි අනුග්‍රාහකත්වයන් වේ නම් ඒ සඳහා අපව අමතන මෙන්ද කාරුණිකව ඉල්ලමු.


ඒ වගේම පොඩි උදව්වක් ඉල්ලන්න අවශ්‍ය කණ්ඩායමකුත් ඉන්නවා... ඒ තමයි සින්ඩි පවත්වාගෙන යන අය. අප්‍රේල් පස් වෙනිදා වෙනකන් මේ බ්ලොග් එක මගින් පළ කරන ලිපි අඩුගනනෙ සතියක්වත් උඩින් තියලා දෙන්න පුළුවන්නම් අපිට කරන ලොකු උදව්වක්.... ඒ වගේම අපි ඉදිරියේදී නිකුත් කරන්න සැරසෙන බැනර් එකත් සින්ඩි වල දර්ශණය කිරීමට කටයුතු කරන ලෙසද අපි ඔබෙන් කාරුණිකව ඉල්ලමු. ඒ වගේම ඔබගේ කණ්ඩායමෙන් එක්කෙනෙක් අපේ සංවිධායක මණ්ඩලයට එක් කරන ලෙසත් කාරුණිකව ඉල්ලා සිටිනවා.. ඔහුගේ හෝ ඇයගේ විස්තර cybernewyearfestival2011@gmail.com කියන විද්‍යුත් ලිපිනයට යොමු කරන ලෙසද සියළු සිණ්ඩි හිමිකරුවන්ගෙන් ඉල්ලා සිටින්නේ බොහොම කාරුණිකව... ඔබගේ නියොජිත මහතෙක් හෝ මහත්මියක් අප සංවිධායක මණ්ඩලයට පැමිණි විගස මෙහි දකුණු පස ඔබගේ සින්ඩියද මෙම සිහිනයේ නිළ සින්ඩියක් ලෙස අපි දර්ශණය කරමු.


අපේ සහෘද හිතවතුනි.... මේ සිහිනෙට අයිතිකාරයෝ නැත... මේ සද්කාර්යය අපේ වැඩකි.. ඔබේ වැඩකි... ඔබ හැමෝම මෙහි අයිතිකරුවන්ය... වටින්නේ ඔබේ සහභාගිත්වයයි... රුපියල් 100.00ක් වැනි සුළු මුදලක් ඔබෙන් අය කරන්නට තීරණය කරන්නේ ඊට වඩා කිහිප ගුණයක පහසුකම් ඔබ වෙත ලබා දීමේ අරමුණෙනි.... ඒ නිසා මේ ගැන ප්‍රචාරය කිරීම ඔබට භාරයි... අපි ඉදිරි කාලයේදී මෙහි බැනර් ඔබට ලබා දෙමු.. ඒවා තම බ්ලොග් වල ප්‍රචාරය කිරීමත් හැකි පමණ මිතුරන් මෙහී එක් රොක් කිරීමත් ඔබට භාරය.. මෙම බ්ලොගය ෆලෝ කිරීම තුලිනුත් ඔබගේ රීඩරයට මෙය ඇතුලත් කර ගැනීම තුලිනුත් දක්වන සහයෝගය අපේ සිහිනය සැබෑ කිරීමට ඔබ ලබා දෙන තවත් රුකුලක්..


අවසානයේ ඔබේ අදහස් පහත දුරකථන අංක වලට දැන්විය හැක...


0714449162      අභීත
0718689555      නිශාන්ත
0773652592      අසංක


විද්‍යුත් ලිපිනය    cybernewyearfestival2011@gmail.com


මෙන්න මූණු පොත.... මෙන්න අවුරුදු උත්සවය
Back to Top